《讀者投稿》長篇
床前無孝子。
話說我嫁咗入嚟呢頭家，大大話話已經五年幾，各種辛酸委屈，99詛咒侮辱，我恐怕我要出一本書先講得完。我哋住喺一間公屋，大名係奶奶，然後係我同老公一家人同個仔，我呢個姑奶讀大學嘅時候就已經搬咗出宿舍到咗今時今日，我呢個隻眼生係頭頂嘅姑9，又係另一極品。
頭頭我結婚入嚟，我叫咗佢三次呢個八婆望都唔望我，我已經冇再尊重你，因為佢連基本嘅禮貌都無，哈哈我宜家先知讀幾多書職位有幾咁高級，sorry我想話人格勝於一切。
我就講最近發生嘅一件事，話說我呢個奶奶2019年11月份做完手術就中咗風，冇咗部分腦蓋，全身唔郁得，日日要包尿片插着條尿喉，所謂床前無孝子，平時佢個女返屋企陪個阿媽食飯，都係手機在手，話都唔多句食完拍個欏柚就走左去，今時今日奶奶已經住咗喺療養院，呢個冇腦弱智嘅姑奶，佢同我老公講佢話過年之前想推阿媽返屋企食飯。我只係問我老公你阿媽食到飯未啊，我老公話唔係太食到，嗰一刻我只係諗，我又要同我仔走返我阿媽度避難，然後屋企又要勞師動眾咁搬開晒啲嘢比班親戚上嚟。因為有小朋友嘅屋企真係會好多嘢，唔緊要呢個始終係奶奶屋企，佢返嚟真係冇問題，問題出於我老公放低咗屋企條鎖匙喺老人院，我老公話佢家姐會攞鎖匙推阿媽上屋企，點不知到頭來，原來係佢舅母同一班人再加一個😡曾郁手郁腳想襲擊我老公嘅PK舅父都上埋嚟。重點黎啦，我呢個奶奶已經神智唔清醒，我呢個戇鳩嘅姑奶，我話晒都會信佢係自己人，點唔啱都唔緊要，最大問題係成班親戚攞住我哋屋企鎖匙自己走上嚟。
我個奶奶已經係唔郁得神智唔清醒，如果我屋企唔見咗野爛咗嘢我賴邊一個？成班怪獸有啲仲要返完大陸踩住對鞋，街頭踩到街尾，有人仲喺我奶奶房到出出入入。我呢個姑奶真係冇腦，你冇心推過阿媽返嚟，咪叫班親戚喺酒樓度等囉，到差唔多先至推阿媽去食飯坐吓，自己又唔想來，我淨係覺得成件事好荒謬，我幾唔鍾意呢個奶奶我都還有一點測懚之心，插住個尿袋，足足原封不動連埋張輪椅坐咗喺度兩個鐘頭，又唔會帶佢入房問下佢你記唔記得呢度係你自己間房，我想問呢一個行為你帶佢返屋企做乜嘢？成班自己掛住玩電話又傾又講。
重頭戲我老公後尾去到同佢哋食完飯，佢見到我阿媽咁樣好攰就推阿媽返去療養院，然後PK個老婆就塞左一袋橙一封利是比我奶奶，佢呢個PK舅父一手就搶咗封利事，就講你封利是我會交俾你家姐㗎啦。之後我老公就同我喺電話講咗句🤔我自己都係咁諗你封利是有幾大封？頂盡500，跌咗落地我哋都唔會執。然後我老公話佢唔推我媽返去你哋唔搞咁多嘢講咁多嘢，跟住呢個PK舅父，一手扯我老公件衫，佢飲醉酒想打我老公。因為呢個PK舅父我老公係好憎佢，因為佢之前經常問我奶奶借錢，所以我老公好憎佢。因為我老公話佢咁耐以來，都好少搵佢阿媽，我覺得成件事個罪魁禍首係呢個冇腦嘅家姐。講真，話晒呢度係我半個屋企，我交條鎖匙俾你推你阿媽上嚟，呢度係你阿媽屋企，真係冇問題，但係點解要將條鎖匙交咗比你哋嘅親戚？屋企連自己人都冇喺度，然後我都好嬲，我老公最後好彩冇比呢個PK舅父打，仲好嬲鬧佢地你哋以後唔好再嚟探我阿媽，唔好再嚟我屋企。我都有同老公傾呢個問題，我話我唔知係咪對佢哋有偏見所以成日都會反問自己成件事係咪有問題，我老公話唔關你事，係真係覺得有啲問題點解家姐自己唔推阿媽上嚟要交條鎖匙比啲親戚。仲有我老公話推佢阿媽返屋企嘅人都冇腦，奶奶冇咗半個頭蓋，安全帽又唔帶俾佢，天氣咁凍又唔帶返頂帽俾佢，我真係從來都未見過我老公咁嬲。我真係好想大家去評下理，多謝睇完我呢段文章嘅人我只係想呻下。
＃我的極品四大長老
Search